TANLAP YAWANOA WAANDISHI WA HABARI WA VYOMBO MBALIMBALI NCHINI

TANLAP kwa kushirikiana na Ofisi ya Rais TAMISEMI, TCRA na Ofisi ya Msemaji Mkuu wa Serikali wamefanya mafunzo kwa waandishi wa habari kutoka Ofisi ya Rais TAMISEMI na wengine 112 kutoka katika vyombo 90 vya habari vya kitaifa na vya kijamii nchini.

Lengo kuu la mafunzo hayo ni kuongeza uwezo wa wanahabari katika uelewa wa sheria na kanuni zinazoongoza uchaguzi wa serikali za mitaa mwaka 2024, kuongeza uwezo wa ufuatiliaji wa vyombo vya habari na uwekaji kumbukumbu za michakato ya uchaguzi, kushiriki uzoefu kuhusu changamoto za kuripoti kwa vyombo vya habari wakati wa uchaguzi uliopita na kupata mbinu bora, kuongeza uwezo wa waandishi wa habari juu ya ulinzi na usalama wa kidijitali, kuongeza uwezo juu ya kanuni za maadili za vyombo vya habari na maudhui ya mtandaoni wakati wa uchaguzi wa Serikali za Mitaa wa mwaka 2024 kuripoti uchaguzi huo.

Mafunzo hayo yamefanyika leo tarehe 7 Novemba, 2024 jijini Dodoma katika hotel ya African Dream

#WananchiTuamue